THE CURSE WELL HORROR ZONE PART- 1

 

THE CURSE OF WELL

PART ONE

         THE HAPPY FAMILY

  

                                                         Note:: YOU CAN USE Google translater to convert it in other                                                  suitable language that Google translater use at the bottom of this article.

             Baat hai 2008, December ki ek parivaar apni 2 months ki chhuti manane ke liye apne khanadani ghar mein Gaya tha. Uss parivaar mein 4 log thei. Baap Rakesh, Maa Radhika, Beta Ravi aur Beti Maya. Ravi 11 saal ka tha aur Maya 9 saal ki. Sab aa kar apne ghar mein khushi khushi rehene lage. Unke ghar ke paas ek budhhi aurat reheti thi. Woh bohot shant swabhab ki thi par jab yeh log uss ghar mein aaye uss aurat ne unhe wahan rehene ko mana kiya. Parivaar ke logo ne uss ko iska karan puchha par uss ne kuchh nahin kaha. Dheere dheere din beet te gaye aur dekhte dekhte 25 din beet gaye. Maya ko uss budhhi aurat se bohot lagab tha. Woh humesha uss ke paas paas reheti thi. Uss budhhi aurat ko bhi Maya ko apne paas dekh ke bahut achha lagta tha. 1 mahine beet ne ke baad ek din achanak se bohot joro ki barrish hui aur isme gaon mein ek chhoti si  badd aa gayi. Uss badd mein ek ped aa ke Rakesh ke ghar ke bagichhe mein bane ek kue ke upar ke dhal ko tod deta hai jissse kua khul jata hai. Uss ghatna ke 3 din baad bohot si ajeeb ghatna suru huyi.Jab bhi koyi gaye ya kutta inke ghar ke paas ata tha woh chilane lagta tha ya woh wahin paar maar jata tha. Yeh sab kuchh bohot ajeeb tha. Par humesha un logon se zyada chintit woh budhhi aurat reheti thi. Kuchh dino baad Maya aur Ravi bohot ajeeb tarike se paes ane lage unko kabhi raat mein neend nahin aa ti thi. Woh humesha darr ke neend se uth jaate thae aur kehete thae " Maa, woh aadmi humko apne saath le jayega" .

 

 Ravi humesha uss kue ke pass khada reheta tha. Ussko aise ghoor ta tha jaise ki ussme kuchh mazedar dikh raha ho. Ek din Rakesh apne bagichhe ko saaf kar raha tha tab uss ne dekha ki Ravi uss kue mein kud ne wala hai toh woh zoro se RAVI ! chillate hue uss kue ke aur bhaga par jab woh wahan paar pahunchha tab uss ne dekha ke Ravi whan par hai hi nahin. Aur woh bahar dadwaze ke paas uske papa ki awaz sun khada tha. Rakesh kuchh samjhe usse pehele uss kue mein se ek hath nikla aur uss hath ne Rakesh ko uss kue ke andar khichh liya. Yeh dekh kar Ravi joro se chilaya aur uss ki awaz sun ke uss ki maa wahan paar ayai aur uasne jaldi se gaon walaon ko bulaya. Gaon walein sahi waqt par pahunch gaye aur unhone Rakesh ko bacha liya. Woh pura din Rakesh sota raha. Aur jab duss re din woh utha to sab ne dekha ke uss ke akhon ka rang badal gaya hai. Ab woh apne bachho se bohot buri tarah bartav karta tha. Yeh ajeeb tha kyunki woh unse bohot pyaar kar ta tha aur achhe se baatein karta tha. Ab woh roz daaru peene aur cigarette phunk ne lag gaya tha. Yeh sab ajeeb tha kyunki woh in chizo se bohot nafrat karta tha. Ab woh aksar apni bibi se sarab ko lekar jhagda kar ta tha aur usse maar ta tha. Unke ghar ke paas wali aurat yeh sab dekh kar bohot paresan thi. Radhika yahan se jana chahti thi par Rakesh nahin jana chahta tha isliye jab bhi Radhika jane ki zid kar ti thi rakesh usse maar ta tha. Ek raat Radhika apne bachho ke saath wahan se chup chap nikal jana chahti thi.

 

 Woh amavas ki raat thi Radhika jaldi jaldi kapde pack kar rahi hoti hai aur tabhi galti se uss ke hath se galti se ek glass gir ke wahin par toot jata hai jisse Rakesh neend se jag jata hai. Uss ki ankhein puri tarah se laal ho gayi thi aur usska awaz bhi badal gaya tha. Aur woh Radhika ko yeh karta dekh bohot ghusha hota hai aur woh Radhika ko maar ne lagta hai Radhika joro se rone lagti hai aur uss ke bachhe bhi dusre kamre mein rone lag te hai. Achanak Radhika bohot joro se chilati hai aur sari awaz band ho jaati hai. Ravi aur Maya yeh sun kar apne maa baap ke kamre ki aur jaate hai. Bahar se unhe kisi ke  kacha maans khane ki awaz aa rahi thi jab unhone dadwaze se jhaank kar dekha toh woh ek dum se chauk aur darr gaye. Unhone dekha ke Rakesh Radhika ke upar beth ke Radhika ke gale ko apne daant se kat kar kha raha tha aur woh kissi janwar ki tarah bartav kar raha tha. Yeh dekh kar dono bhai behen bohot darr gaye the aur jab Rakesh ne kat kat kar Radhika ka sar alag kar diya tab Maya darr se chila utthi. Uski awaz sun kar Rakesh unn dono ke taraf badhne laga aur woh unn dono ko bhi maar na chahta tha. Rakesh ne unn dono ko pakad liya aur woh unhe maar ne hin walah tha ke tabhi woh budhhi aurat aa gayi aur ussne apne haath mein rakhe kissi tarah ke paani ko Rakesh ke moon par phek diya jisse Rakesh pagal hone laga aur dard se chilane laga. Uss aurat ne kuchh mantra padha aur un bachho ko lekar uss ghar se bahar aa gayi aur dadwaje ko lock kar diya. Uss aurat ne jaldi se police ko wahan par bulaya. Adhe ghante ke baad police wahan par aa kar pohonchi.

 

 Police dadwaza khol kar andaar ghus gayi aur agey jane ke baad unko Radhika ki sar aur body mili. Radhika ke sar se do ankhein gayab the aur uski body puri tarah se nangi. Uske haath paer sab alag ho gaye the, jaise kisine kaat kar alag kiya ho. Aur thodi aur dur jane ke baad unko Rakesh ki laas ek rashi se tangi dekhi. Par herani ki baat yeh thi ki uss kamre mein koi chair aur table nahin tha toh Rakesh ne fashi lagaya toh lagaya kaise ? Police unn dono bachho aur uss budhhi aurat ko apni jeep mein wahan se police station ko le jate hai. Aur unn lasho ko woh hospital bhej dete hai. Aur tabhi hum dekhte hai ki Maya pichhe mud kar kisi ko haath hila kar alvida kar rahi thi. Aur woh koi aur nahin Rakesh aur Radhika thei jo dadwaje ke paas khade ho kar ro rahe thei. Aur achanak se koi mun dhaka hua admi aata hai aur un dono ko wahan se khichi ke le jaata hai. Aur kuchh dur jane ke baad achanak se uss jeep ka accident ho jata hai. Aur Ravi aur Maya raste pe pade maut se ladh rahe hote hai.

Bi

TO BE CONTINUED...........

click the link here part-2 mora suspension story

Click the link::10 Unsolved mysterious place on the earth

 Google cards| how to use

click the link:: vivo ipl schedule

Written By

AKASH PADHIARY

Published by

Soumya and ashutosh