NARAKYATRA; GOVT SYSTEM OF INDIA
NARKYATRA
Part 3
Part-1::click here
Part-2:::click here
Ek yam dut jo ki peon post wala tha usne Gudu ko narak ki aur le jaa raaha tha. Jate wakt ussne yamlok ke baare mein ye jaana ki yamlok ka do township hai. Ek hai swarg aur ek narak. Swarg lok ek puri colony ki tarah hai. Aur narak kai hisso mein bata hua hai. Chalte chalte donoo ek badi purani building mein jaa pahanche. Upar likha tha narklok. Gudu ke pasine chhutne lagi. Wo man mein hi soch raha tha ki pata nahi kiss janam meinn konse paap kie tha ki narak jaane ki naubat aa gayi. Ye sochte andar ghusa to ek officer andar jhapki le raha tha. Uss yam dut ne uss officer ko jhunjlake uthaya to wo thoda hadbada gaya. Unka naam tha parida babu. Parida babu bole, “kya hua?” to yam dut ne kaha ki “inse miliye, ye hai Gudu, serial no. 703.
Inki paap ke list ke anusar inke dand thoda batadete”. To unhone ek list thama di yamdut ko bina check kiye, aur bole “yahan ye tin dand milta hai, to gudu ji ko sirf ye tin dand hi lena padega.” Gudu ne jaise hi dand ki taraf dekha to kuch samajh nahi paya. Usme likhe the tin dand ke naam. Pehla dand; kumbhipak, doosra; kalsutra aur tisra tha sukarmukh. Yamdut ne Gudu ko punishment section mei le gaya. Wo pahanch ke yamdut ne ek karamchari ko kaha ki , “Sir ye hai Gudu , no. 703. Inhe jara ari se do bar kat dijiye.” Yamdut ka baat sunkar gudu dar raha tha par jaldi ghar bhi jaana tha ye dand khatam karke. To ussne bhi usski saari baat uss officer ko bata di. Sab sunkar wo officer bola, “ ari meinn dhar nahi hai. Abhi maintenance section mein phone kiya tha. Wese bhi wo maintenance wale phone nahi uthate aur kabhi galti se uth bhi gayi to maal nahi hai kehete hai. Sara budget akhir mein march ko kharch karte hain.” Phir unhone salah di ki “jao pehele kumbhi pak karlo tab tak ari ghis ke dhar kardenge.”
Gudu wahan se yamdut ke saath 1st floor par gaye.
Wahan par sukarmukh ka bhi punishment section tha. Wahan baithe the chawla ji.
Wahan par bhi takleef thi. Kya hai na standard practice ke anusar atma on ko
jaytun tel mein chhana jana tha, par wo jyada rate hone ki wajah se kabhi kabhi
sarso ka tel bhi use kiya jata tha. Eek baar to disel use hua tha, uske baad
pure section mein aag lag gayi thi. Aur phir kadai mein chhed hai”. “ ab kya ?”
yam dut ne kaha. Ab kya, jab tak kadai ka chhed band nahi hota aur ghee nahi ajati
tab tak wait karna padega”. Gudu ne pucha , “ kab tak ye hoga?”. Aaj to bhai
nahi ho sakta” kandha hila kar chawla jii ne mana kar diya. Yamdut ne chupke se
Gudu ko kaha ki actually chawla ji sara tel black mein bech te hai. Kadai meinn
chhed ki baat bhi paisa hadap ne ka ek tarika hai. “kuch to upay batie sarkar.”
Gudu ne puchha.
“Are sir ek achh kadai dekhke pani meinn kyun nahi chhan
dete.” Yamdut ne kaha. Are nahi nahi, pani aur tel ka temperature ka fark pata
lag jayega”, chawla ji ne kaha. “To phir,”yamdut ne kaha. “Phir kya wait karo”,
chawla ji ne kaha. “Aur wo sukarmukh ka incharge kaha hai? Dikh nahi raha”, yamdut
ne kaha. “Han wo hai magar strike pe betha hai. 10 saal contract meinn tha to
regular hone ki dabi mein bramhalok road mein betha hai.”, chawla ji ne kaha.
Gudu ne hath jod diye , “ kuchh to kijiye sarkar” tabhi donno hathon ki bich
mein se ek note bundle jaa gir chawla ji ke god mein.
Iske baad chawla ji ne chup chap gudu ke form bhare aur
kalsutra aur sukarmukh dand ke side mein apne signature kare. To Gudu ne kaha,
“ aur kumbhipak?”. Chawla ji thode hase aur ussme bhi dastkhat kardiye aur bole
“dekhiye token mein thode halke dand to bhogne padenge. 100 % baiman to hum
abhi nahi hue hai.” Chawla ji paas ki garam tel ki kadai mein gudu ke do haton
ko jor se pakad kar usme duba dia. Gudu ankhe band kar jor se chila pada
AAAAA……….. Aur ankh khola to wo apne ghar par tha aur usiki biwi uski hath ko
garam chai pe daal kar usse jaga diya tha. Gudu ki patni ne kaha, “ kya ravi
bar hei to ghode bechke soge kya?”. Toh gudu pane biwi ko pakad kar usse kaha
oho! Ek badi ytra pe gaya tha, NARAKYATRA par. Gudu ki biwi samajh gayi thi ki
aaj bhi gudu ji ne koi kharab sapna dekh li thi.
Issi tarah aur kahani sunne ke liye bane rahiye hamare sath sirf short stories and amazing facts par.
Catagories:: comedy story
Tags::comedy story,story of suspension, comedy,Best story
WRITTEN BY
SOUMYA
PUBLISHED BY
ASHUTOSH
No comments